سلام ونعمه يا اخوتى
موضوعى انهارده مش جديد
وموجود فى كل بيت
بس اللى غريب ان ماحدش يقدر يستغنى عنه
هل فعلا وصلنا للحال ده
هل فعلا ممكن يحصلنا حاجه لو ما عملناش الحاجه دى فى كل يوم
اكيد سمعنا اخبار كتير لما حدث انقطاع الانترنت فى اغلب مناطق العالم
سمعنا عن واحد انتحر علشان ما قعدش على الانترنت فى اول يوم
من انقطاع الانترنت على مستوى الكثير من البلاد
سمعنا كمان عن حالات عصيبه او نفسيه ذهبت إلى المستشفى
بسبب انقطاع الانترنت
بصراحه انا شايف الاخبار دى فى قمه الغرابه
يعنى ايه واحد ينتحر علشان ما قعدش انهارده على النت
ايه المشكله يعنى مش شايف فيها اى مشكله
يعتبره يوم مشغول فيه وماكنش فى البيت
لاكن توصل لانتحار حاجه غريبه جدا
طيب اللى متنرفز ده ولا اللى جاتله حاله عصيبه واللى اتنقل للمستشفى علشان جاتله حاله نفسيه وكل ده من ايه علشان ما قعدش على النت
كل شىء جايز بس مستحيل يوصل للدرجه دى
اكيد كل واحد فينا فى يوم مش هيقدر يفضل طول عمره قاعد على الانترنت يعنى اكيد بعد كده هيكون وراه شغل او مسؤليات
او اشياء اخرى لاجل المعيشه
مش بقول ما نقعدش على الانترنت
ولكن هل فعلا وصلنا للمستوى ده
هل فعلا لو النت اتقطع يوم ممكن اننا ننتحر؟؟ او يحصلنا حاجه؟؟
فى انتظار تعليقاتكم على الموضوع
واتمنى من الجميع المشاركه