حوار مع اتنين طرش

حوار كوميدي جدا
*****************

الأول : إلا قولي يا بلدينا مش هو دة برضه أتوبيس مصر الجديدة ؟


الثاني : على الحديدة ؟ إنت طالب إحسان ؟


الأول : بذرة الكتان ؟ تلاقيها عند العطار


الثاني : جزار ؟ هو انت عايز لحمة ؟


الأول : زحمة ؟ أصله ميعاد خروج الموظفين


الثاني : قمر الدين ؟ مبحبهوش


الأول : ما بتطفحهوش ؟ ليه كفى الله الشر ؟


الثاني : راس البر ؟ دة مصيف محترم


الأول : الهرم اتخرم ؟ دي حتة جميلة


الثاني : بليلة ؟ هو انت جعان ؟


الأول : عيان ؟ يا عم شوفلك تاكسي يوصلك لباب العمارة


الثاني : إمارة ؟ هو انت لسة اتأمرت ؟


الأول : اتأخرت ؟ دي الساعة لسة ثلاثة

الثاني : شحاتة ؟ ياعم شوفلك شغلانة تاكل منها عيش


الأول : خيش ؟ دة صوف انجليزي ؟


الثاني : بنتك زيزي ؟ ربنا يخلي


الأول : انتاج محلي ؟ دة شغل بلاد برة


الثاني : المبرة ؟ هو انت لسة عيان ؟


الأول : دخان ؟ أصل اليومين دول السجاير بقت حراقة


الثاني : كريم حلاقة ؟ دة أنا باستعمل انجرام


الأول : أنا ما عنديش احترام ؟ أهو انت اللي ماعندكش احترام

( يقوم الشجار بينهم ويدخل الشاويش )


الشاويش : الله ... الله ... وكمان بتتخانقوا قدامي ؟


الأول : مين حضرة الشاويش ؟

الشاويش : وكمان تجار حشيش ؟ قدامي على السجن

[ندعوك للتسجيل في المنتدى أو التعريف بنفسك لمعاينة هذه الصورة]
هههههههههههههه اه عسل مع انى مفهمتش حاجة ههههههههههه [ندعوك للتسجيل في المنتدى أو التعريف بنفسك لمعاينة هذه الصورة]
ميرسى ياهنون

هههههههههههههههههه لاء جامد اوى ميرسى ياهنون