اولاد الملك

نورت منتدى اولاد الملك
عزيزي الزائر / عزيزتي الزائرة
يرجي التكرم بتسجيل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةالبوابةاليوميةس .و .جبحـثالتسجيلدخول

شاطر | 
 

  مبررات الحياة مع الله حوار هيتعبك بس هيفوقك

اذهب الى الأسفل 
كاتب الموضوعرسالة
nonosh_batot
مشرف عام
مشرف عام
avatar

عدد المساهمات : 1816
تاريخ التسجيل : 07/06/2009
العمر : 31
الموقع : حضن يسوع

مُساهمةموضوع: مبررات الحياة مع الله حوار هيتعبك بس هيفوقك    الأحد أكتوبر 10, 2010 7:03 pm

قلبى فى ايدك
انا عندى قلب يا رب انت عارفه و هو طول عمره و هو صغير كان فى ايدك.
لما بيبكى كان بيبكى بين ايدك و انت كمان يا رب بتحبه اوى و دايما بتطبطب عليه و بتحنو عليه .
مرت الايام و قلبى كبر شوية و محتاج اغير فيه شوية حاجات بسيطة ؟؟. معلش يا رب انت عارف بقى كل يوم فيه جديد و مفيش حاجة بتفضل على حالها . انا كنت عاملك فى قلبى الريسيبشن بالكامل و اكبر اوضه كمان. انا بحبك اوى يا رب و انت عارف بس انا عندى شوية حاجات صغيرة صدقنى و مش هتأثر على حاجة . انا عندى اصحابى بيجولى باستمرار و عايز بس جذء من الريسبشن عشان اعمله مكان نقعد فيه سوا و تقعد معانا . انا عارف انك مش هتضايق انا بحبك انت عارف و مش معقول برضو منعرفش نتفرج على التليفزيون و اصحابى كتير و مفيش تليفزيون من غير كراسى و اكيد و منطقى و ضرورى و لا بد اصحابى ياكلوا معايا ده عمل محبة . اكيد فهمت ان انا محتاج بقية الريسبشن عشان طرابيزة اكل كبيرة بكراسيها و خلافه . صدقنى يارب بامانه انا مهتم اوى بالأوضة بتاعتك و هاخليها احلى اوضه فى البيت كله ......متقلقش!!!!!
مرت ايام كتيرة و انا كمان بقيت اشوف حاجات حواليا تطير العقل . ال ADSL بقى زى المية و الهوا بصراحة محدش يقدر يعيش من غبره و الكمبيوتر اللى عندى ده عايز يترمى فى الشارع او ياخده بتاع الروبابيكيا . انا محتاج كمبيوتر كبير بترابيزة
معندكش فكرة يا رب انا محتاج كمان اطبع حاجات كتير و على فكرة فيه حاجات كتير منها للكنيسة و الخدمة . صدقنى يا رب انا باموت نفسى فى الخدمة و القداسات و عندى ولاد فى خدمتى باسأل عليهم باستمرار و الكمبيوتر هيساعدنى اوى.
فلو تسمح يعنى و انا عارف انك عارف و مش هتضايق لو ينفع اشاركك اوضتك عشان محتاج مكان للكمبيوتر ابو طرابيزة . و اهى فرصة حلوة نبقى مع بعض و نسللى بعض .
ايام و بتعدى و بقيت انسان متطور و مفيش حد احسن منى . عندى ADSL اسرع من الفار و DOWNLOAD بقى سريع بس الواحد بقى محتاج يقعد شوية على الكمبيوتر عشان يقدر يتابع الجديد و القديم و الحديث و السريع و الرهيب و المرعب ....و ...
وقتى مش مكفى و حياتى بقت زحمة ده انا حتى اصحابى بقيت اشوفهم على النت و الشات
انا عارف يا رب انك نفسك تتكلم معايا بس انت شايف ايقاع العصر عامل ازاى ؟؟مفيش وقت اقصقص ضوافرى
على فكرة يارب معلش عايز اقوللك حاجة متفهمهاش غلط!!!! . انا مبقيتش فاضى ذى الأول . انا الخدمة واكله كل وقتى و يا دوبك بافضى وقت لاصحابى و النت . و انت موجود معايا فى الأوضه . انت هتروح فين ؟؟!!ما انا كل يوم بارجع الاقيك و اعتبر البيت بيتك معلش قصدى الأوضة اوضتك.
آخر طلب هاطلبه منك و انا عارف انك عارف . مفيش وقت العب رياضة و بقيت محتاج حاجه كل اصحابى بيروحوها و عارفنها و انا الوحيد اللى مش معاهم. ايوه كدة انت عارفها (الجيم) لازم اروح جيم عشان الرياضة و انا عارف و انت اكيد عارف.
فيه جهاز حلو اوى هاجيبه بس هو كبير شوية . بيقوللك فيه عجله و مشاية و عقلة و حبل و فيه زرار تدوس عليه تخس 30 كيلو على غفله.
و بصراحة مش لاقى مكان ليه غير اوضتك عشان كبيرة فمعلش هاخد مكان كمان و انا عارف انك بتحبنى و مش هتضايق . و بعدين يا رب انا عايز اقوللك حاجة . انت ليك البيت كله تقدر تقعد فى اى حته . يعنى متلتزمش بالأوضة و عندك البيت كله ؟؟؟!!!!!!!!
خلاص انا كبرت و الدنيا اتغيرت و مرت ايام قصدى سنين و بقيت اخش البيت مش شايف قدامى و كتير يقولولى فيه واحد قاعد مستنيك فى الجنينه . يا جماعة هو انتوا شايفنى فاضى ؟؟!!!!لما ابقى افضى ابقى اشوفه
و ايام تاخد ايام لغاية ما نسيت انت مين يا رب . نسيت وجودك فى حياتى . انا بتفكيرى و تصرفاتى و اهتماماتى . انا بكل دة و بدون ما اشعر بقى ليك مكان بس يا خسارة برة قلبى .
مبقاش ليك مكان يا رب فى وسط اصحابى و النت و الدش و الشات و الجيم و غير و غيرة .......
و بعدين يا قلبى ؟؟؟ ناوى على ايه ؟؟؟!!!ناوى ترجع زى زمان و لا ايه ؟؟؟
ناوى تفضى ساعة واحدة لربنا و لا خلاص مبقتش تقدر .
انا آسف يا رب سامحنى
لو سمحت ارجوك يا رب تتفضل جوه . متبقاش بره . انت ليك كل حاجة. ليك قلبى كله.

امضاء: نفس تائبة
الرجوع الى أعلى الصفحة اذهب الى الأسفل
مرمر بنت المسيح
مدير المنتدى
مدير المنتدى
avatar

عدد المساهمات : 2384
تاريخ التسجيل : 13/09/2009
العمر : 29
الموقع : قلب يسوع

مُساهمةموضوع: رد: مبررات الحياة مع الله حوار هيتعبك بس هيفوقك    الأحد أكتوبر 10, 2010 7:11 pm

هــــــــــــــــــــــــــايل بجد موضوع فى غاية الروعة
الله عليك يانونوش وعلى مواضيعك الجامدة
ربنا يعوضك ياقمر ويباركك
ودايما كده المزيد من المواضيع الجامدة دية

_________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
iewod
عضو نشيط
عضو نشيط
avatar

عدد المساهمات : 60
تاريخ التسجيل : 10/11/2010
العمر : 34

مُساهمةموضوع: رد: مبررات الحياة مع الله حوار هيتعبك بس هيفوقك    الإثنين ديسمبر 20, 2010 11:49 am

حلو كتير كتير رنا يعوض تعب محبتك[center]
الرجوع الى أعلى الصفحة اذهب الى الأسفل
 
مبررات الحياة مع الله حوار هيتعبك بس هيفوقك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اولاد الملك  :: تاملات و قصص قصيره :: تاملات عامه-
انتقل الى: