حوار يبنى وبين نفسى :
وانا قاعد مع نفسى بصيت لقيت انى بلوم يهوذا وبلعنه علشان سلم المسيح الدم
البرىء ...... وبلوم كمان بطرس علشان انكر المسيح .... 3 مرات منهم قدام
جارية ... مش هتضر ....
وكل ما افتكر الموقف اللى عمله يهوذا اتغاظ منه اوى اوى ....
لكن ساعات بقول طب منا يهوذا بالفعل .... لانى ساعات بعد الخطية بفقد
الرجاء ف ربنا واقول انه مش ممكن هيسامحنى .... وبشوف ان خطيتى ممكن تمتكنى
وتخلينى اروح اشنق روحى اللى المسيح حررها
وممكن كمان ابقى بطرس
.... اللى انكر المسيح قدام جارية ... انا ممكن انكره .... انكر صليبه
..... اخجل انى مسيحية ....... اعمل حاجات تحسسنى انى خجولة كونى مسيحية
....
دنا كمان ممكن اكون افظع من دول كلهم ......
دنا ممكن اكون اللص الشمال اللى مكانش واثق ان دا فعلا ربنا ,,,,
والادهى من كدة .... دنا ممكن اكون اى واحد من الجنود اللى كانوا بيجلدوا
وبيتفننوا ف التعذيب اللى كانوا بيعذبوه للمسيح ..... او من الجنود اللى
قعدت تدق ف المسامير
ويا حبذا ... لو كمان تخيلت انى ممكن اكون زى رئيس الكهنة اللى اشتمى على المسيح وقال اصلبه دمه علينا وعلى اولادنا ......
دنا مش بعيد الاقى نفسى من ضمن الجنود والكهنه اللى خبطت على الناس علشان تشهد عليه شهادة زور ....
ومش بعد اطلعلى بتفنينه جديدة غير دول وابقى فريدة من نوعى علشان ابقى بتفنن ف تعذيب المسيح .....
كل دا يارب وانت مستحملنى ...... وبتقدملى حب وانا بغدر بيك وبطعنك
.......... يااااااااااااه اد ايه انا حسيت انى رخيص جدا ....وانت اشتريتنى
بالغاااااااااااالى اللى مستاهلهوش ...
سامحنى يا سيدى على كل اللى عملته وبعمله فيك