تخيل لو دى كانت جدتك !!!!!!!!

تخيل لو دى كانت جدتك !!!!!!!!

مره كان واحد قاعد بيذاكر وجدته حصل حوار بينه وبين جدته هنشوفه دلوقتى مع بعض

الجده : ذاكر يابنى ربنا يوفقك وتبقى دكتورقد الدنيا

الولد : دكتور ايه بس انا فى كليه تجاره
الجده : وماله يا بنى هو فى حاجه تكتر على ربنا
الولد : ستى سيبينى اذاكر ممكن
الجده : طيب وماله يابنى ذاكر التجاره شطاره برضه وانا هاكلمك جدك يا خدك الوكاله معاه تتعلم اصول التجاره صح
الولد : بس جدى مات
الجده : يالهوى جدك مات يا سبعى ما كنش يومك يا حبيبى
الولد : يا ستى جدى مات من 30 سنه
الجده : والله ما حد قالى يالا الله يجحمه مطرح ما راح اهو غار فى 60 داهيه الا عمره ما دخل عليا بكيس جوافه
الولد : ستى اطلعى البلكونه الهوا بره حلو
الجده : لا ياواد اصل اللى فى البلكونه اللى قصادك عندهم واد حليوه بيعاكسنى
الجده تانى : ذاكر وخد الدبلون وانا ندرن عليا لا اجوزك البت عبير جارتنا
الولد : اولا ما اسموش دبلون اسمه بكاليريوس وبعدين عبير دى فى اعداديه اعدا
الجده : كتك نيله وانت طالع براوى زى امك انا عارفه ابوك اتجوزها ليه بس انا مش موافقه والله لاخليه يطلقها واجوزه بنت اختى فوزيه
الولد : ابويا متجوز امى بقاله 25 سنه وبعدين انتى ما عندكيش اخوات بنات اساسا يا ستى
الجده : اه صحيح ده انا معنديش اخوات بنات
الولد : ستى امى خلصت المهلبيه روحى دوقيها يا ستى وسيبينى اذاكر
الجده : كتك نيله وانا فيا سنان للمهلبيه انا طالعه البلكونه
الولد : احمدك يارب خرجت اذاكر انا بقى
الولد راح الامتحان تانى يوم وجاوب كويس اوى طالع من اللجنه بيقول ياه جاوبت كويس الحمد لله بس انا نسيت حاجه فى الورقه ايه هى ايه هى ايه هى هو انا اسمى ايه يا نهار اسود انا ستى نسيتنى اسمى

[ندعوك للتسجيل في المنتدى أو التعريف بنفسك لمعاينة هذه الصورة]