مش قولت لك الافتقاد ده نحس

شباب
الخدمة من اجل المسيح
فيها تعب وبركة
وجهاد

التعب قبل البركة
بولس الرسول بيقول
فانكم بسرور تحتملون الاغبياء
اذ انتم عقلاء

استاذ ماجد و استاذ نبيل
اثنين خدام 3 اعدادى
المهم
ماجد: ها هنروح نفتقد مين؟؟
نبيل : هنروح للاخ شكل
ماجد: يا خى انت غاوى تعب ده واد صعب ومش بيجى يحضر!!!!!!!!!!!؟
نبيل : امال احنا بنعمل ايه؟؟؟
ماجد : وكمان بيته بعيد وفى اخر دور وما فيش اسنسير
نبيل : هو المسيح كان ايامه فى اسنسير؟؟

المهم
وصلو تحت البيت
ماجد : استر يا رب مش عارف ده افتقاد ولا جر شكل؟؟ ولا عذاب؟؟
نبيل : الخدمة كده واستحمل شوية يا ماجد
وهما بيتكلموا تحت اعمارة
فجاة

طش

مش ممكن
استاذ نبيل
اتغرق مياه و مش كويسة
ماجد : شوفت يا عم انا قلتلك بلاش الواحد ده
حتى فى افتقاده نحس
نبيل : معلش
ماجد : وكمان معلش؟؟؟ انا هروح
نبيل : ليه يا ماجد بعد ما وصلنا؟؟
ماجد : هو انت عاوز تتطلع كده؟؟
وانت متغرق بالشكل ده؟؟؟
نبيل : ايوة

المهم
بعت اقناع طلعوا هما الاثنين
دقوا جرس الباب
فتح الولد شكل وهو مستغرب
نبيل : ازيك يا حبيبى شاكشوك
شاكل : الحمد الله
لكن انت اللى اللى حصل يا استاذ؟؟؟
ماجد: فى حد قليل الزوق
رمى مياه مش كويسة
من البلكونة وغرقت استاذ نبيل

شكل :طيب وانت كده ممكن تاخد برد

نبيل: لا فداك
شكل : بجد تاخد برد
استاذ نبيل : انت عارف يا شكل انا بحبك جدا
وعلشانك استحمل اى حاجة
شكل :ده انت قميصك الابيض بقى اسود
نبيل : اهم شئ انى اطمن عليك
وهما بيتكلموا جات مامت شكل
مامت: شكل انت يا واد يا شكل تعبت قلبى
فين طبق الغسيل اللى اخذته من الحمام دلوقتى
ده فيه بوطاس

بص استاذ نبيل اللى شاكل
بصة عتاب
اتكسف شكل
شكل : كنت عاوزك ما تطلعش
ماجد : مش قلتلك
نبيل: انا كنت عارف انك انت اللى عملت كده!!؟
شكل : عارف وطلعت؟؟
نبيل : ايوة
شكل : ليه؟؟
نبيل: ما انا قلتلك انى بحبك
وبسبب كلمة
بحبك

اتغير شكل
واظب شكل على مدارس الاحد

ربى
انت كم تعبت من اجلى
وانا كنت غبى
لم افهم
تعبت لكى تفدينى
تعبت معى انا الخاطئ
اجعلنى اسير مثلك
واخدم واجاهد من اجل الاخرين