لية يارب ؟؟؟؟؟؟؟؟؟؟؟
لية بيحصلى كدا؟؟؟؟؟
اشمعنى انا ؟؟؟؟؟؟؟؟
عبارات قلتها كتير ......وانتظرت اكتر
ولكن للاسف مالقتشي اجابة......
لقيت ربنا بيقوللى : أجاوبك بتاع إيه ؟ وأجاوبك ليه ؟
هو فيه علاقة شخصية بينى وبينك علشان أجاوبك ؟! اللى بينى وبينك عامل زى الشارع
شارع إتجاه واحد .. من تحت لفوق بس .. شارع ما بتمشيش
فيه غير عربيات ماركة : ( طلبات ) وماركة ( تظلمات ) , وكل فين وفين
لما تمر عربية ماركة ( تشكرات ) .. !!
لانك لما بتقعد قدامى ( ده لو قعدت أصلاً ) بتقول الكلمتين اللى عندك
وبتجرى.. مابتستناش علشان تسمعنى عايز أقولك إيه
سكت .. هاقول إيه؟ ما هى دى الحقيقة .. أنا على طول مشغول وورايا
100 حاجة .. ومابفتكرش ربنا إلا لما تحصللى مصيبة! .. وقتها باصرخ
وأقول له: ( إلحقنى ) و( ليه يا رب ؟ ) .. وبقوله قائمة شكاوى
واعتراض ... مع إن على العكس , لما بيدينى عطية , مابقولش ( ليه يا رب)
.. ويا أفتكرت أشكره , يامفتكرتش .. !!
وفى وقت ما زادت على الضغوط جدا .. وحصللى زى مابيقول الكتاب
" هكذا قال الرب: أضيق عليهم لكى يشعروا " ( أرميا 10: 18)
وشعرت فعلا إنى لازم اعيد حساباتى مع نفسى .. دلوقت أمامى طريقتين وقائدين مالهمش تالت
1- طريق إبليس . 2- طريق الله .
بالنسبة لطريق إبليس : كلنا عارفين إن مافيش أسهل من إن الواحد يعمل
خطية !! .. دى حتى بولس قال: " حينما أريد أن أفعل الحسنى , أجد الشر
حاضر عندى " ( رومية 7: 21) .. تخيل لما بولس يقول كده !!! يعنى أنا مش لوحدى فى الخيبة دى ...
طب والقائد فى الطريق ده ... اسمه إيه ؟ .. اسمه :
1- الشيطان : يعنى المقاوم .. مقاوم لكل عمل روحى بيعمله فى وسط شعبه ...
2- إبليس : يعنى المشتكى .. ينصب لك الفخ .. ولما تقع فيه .. يروح يشتكى عليك عند الله !
3- الكذاب وأبو الكذاب : يعنى ما يقولكش حاجة صح أبداً ... ده غير أسماء تانية كتير .. مش بس كده .. ده من بجاحته تبقى ماشى وراه .. وعلى قد ما يقدر يذلك ويبهدلك .. !!! طب ده بالنسبة للى هاشوفه فى حياتى إذا مشيت فى طريق إبليس : ذل وبهدلة ونكد ..
طب وبعد الموت ؟
" إن كان أحد لا يثبت فى ( المسيح ) يطرح خارجاً كالغصن , فيجف
ويجمعونه ويطرحونه فى النار , فيحترق " ( يوحنا 15: 6 ) بعد الموت ... بعيد عنك .. هاكون فى مكان فيه حريقة ليل ونهار ...
ومافيهوش مصلحة مطافى تطفى .. لان مافيهوش مصلحة مياه أصلا ( يعنى مش
هلاقى ميه أبل بيها ريقى ).. ومافيهوش مصلحة كهرباء .. يعنى حتى مش
هاقدر أشوف اللى بيتشوى جنبى ..!!
أمــــــا بقــــا طـــريـــــق ربــنـــــــــا
الكتاب المقدس بيقول
" ما أضيق الباب وأكرب الطريق الذى يؤدى الى الحياة وقليلون هم الذين يجدونه " ( متى 7: 14 )
يعنى الشخص اللى ها يمشى فى الطريق ده , لازم يكون سوبر مان علشان
يقدر يقول للخطية ( لو اتنططى قدامى .. مش ها عملك برضو!! ) .. طب أروح فين أنا ولا أعمل أيه ؟؟ .. ده أنا باقول للضعف : ( قوم وأنا أقعد مكانك )
لقيت ربنا بيقوللى : لا يا حبيبى , الموضوع مش متوقف عليك أنت .. ضعيف ولا قوى , لان
" الخطية خاطئة جداً " ( رومية 7: 13 )
و طرحت كثيرين جرحى وكل قتلاها أقوياء " ( أمثال 7: 26 )
افتح كتابك المقدس واقرأ ( يوحنا 15: 5) " أنا الكرمة وأنتم الأغصان . الذى يثبت فى وأنا فيه هذا يأتى بثمر كثير , لانكم بدونى لا تقدرون أن تفعلوا شيئاً .. يعنى بدون المسيح انت ولا هتصد ولا هترد ! .. لكن لما هتبطل تمشى بدماغك , وتسلمنى حياتك .. هتقدر تقول مع بولس
" استطيع كل شئ فى المسيح الذى يقوينى " ( فيلبى 4: 13
يمكن ظروفك ماتتغيرش .. لكن إنت اللى هاتتغير .. واللى كان بيسعدك وقتياً زمان .. وهتلاقى روحك إن إنت مابقتش انت .. بقيت واحد تانى .. واحد جديد
" مع المسيح صلبت فأحيا لا أنا بل المسيح يحيا فى " ( غلاطية2 : 20
موضوع: لية يارب ؟؟؟؟؟؟؟؟؟؟؟ لية بيحصلى كدا؟؟؟؟ 
