بنوتة العدرا مشرفه قسم خواطر واشعار
عدد المساهمات : 655 تاريخ التسجيل : 03/12/2009
| موضوع: اول معجزة اسمعها عن ابونا سمعان لكن هو عامل معجزات كتير محدش يعرفه وادى واحده منهم الخميس يوليو 01, 2010 8:58 pm | |
| ده ابونا سمعان !!؟؟؟؟ تم تسجيلها بكنيسه الشهيد سمعان الاخميمي يوم الجمعه 16/10/2009 وشفاء من غيبوبه كبديه الدرجه الرابعه واثني عشر مرض مزمن ده ابونا سمعااان !!!؟؟؟
الاستاذ / فايز اديب كنيسه مار يوحنا الحبيب - شبرا الخيمه انا دخلت في غيبوبه كبد ودي كانت تاني مره تحصلي وكانت المره دي خطيره جدا
والدكتور بلغ اسرتي اننا محتاجين معجزه وانهم يصلوا من اجلي يوم ما دخلت في الغيبوبه اسرتي ذهبت بي الي مستشفيات كثيره وكل ما نروح مستشفي يرفضوا استقبالي وكانت اخر مستشفي روحنا ليها مستشفي ام النور الي في ارض الجولف - مصر الجديده ودخلت العنايه المركزه يوم الاربعاء 9/9/2009 وفضلت في الغيبوبه من الاربعاء الي السبت و ابتديت افوق من الغيبوبه علي يوم السبت بليل ويوم الاحد الصبح وانا نايم علي السرير بصيت لقيت قدامي شخص واقف لابس زي ابيض وله ذقن سوداء ومفيهاش شعر ابيض
وكان بيبص ليه فسالت احد الممرضين وقلتله انتوا بتشغلوا عندكم ناس غير مسيحيه فقالي لا وانت بتسال ليه فقلتله علي الي شفته
فقالي انت السرير الي نايم عليه حصلت فيه ثلاث معجزات قبل كده
وخرجت من المستشفي يوم الخميس 17/9/2009 وروحت علي بيتي وانا نايم سمعت صوت اثنين بيقولولي انت ما سددتش الفلوس الي عليك فقلتلهم انا سددت الفلوس الي عليه كلها فقالوا لا انت ما سددتش ثمن الخراطيم والجلوكوز ولما حكيت لاسرتي قالولي انت حرارتك كانت مرتفعه ونفس الشخصين دول كانوا بيجولي في اليوم مره واحيانا مرتين وكانوا بيحضروا عندي من يوم خروجي من المستشفي لغايه يوم
الخميس 24/9/2009 وفي اليوم الاخير حضروا وكان معاهم قفص فيه خراطيم كثيره وزجاجات جلوكوز فارغ
وقالولي احنا انتهينا من الغيارات كلها واحنا خلاص ماشيين واما حكيت لاولاد اختي علي كل الي حصل قالولي احنا كنا عند القديس سمعان الاخميمي لما كنت في الغيبوبه وصليناه من اجلك وجبنالك زيت من هناك وانت في المستشفي شربناك منه لما كنت بتفوق من الغيبوبه وهما بيكلموني جابولي صوره القديس سمعان الاخميمي وقالولي بص للصوره دي فقلتلهم هوه ده الي زارني وظهرلي في المستشفي وسالتهم كنيسته فين قالولي في المنوفيه بلد اسمها بمم فقلتلهم انا عاوز ازورها وروحنا الكنيسه وكان في اثنين مسندني وانا داخل الكنيسه عشان ما كنتش اقدر امشي او اطلع السلم او اقعد عشان كان عندي روماتويد ومكانش ليه علاج وانا واقف عند الجسد قالولي حط ايدك جوه الزجاج علي الجسد وانا واقف بداءت ابكي بشده جدا وجه الاب الكاهن ابونا ابانوب وخرجلي الجسد وصلي لي وقعدت جنبه احكيله الي حصل فقالي دي معجزه من معجزات القديس سمعان وبعد كده بدءت اشعر اني اقدر امشي علي رجلي واجري بسرعه كمان ولما الناس لاحظت بدءت الزغاريد فقالي ابونا ابانوب امشي قدامي كده فمشيت وجريت قدامه
الاتي لم يذكر في تفاصيل المعجزه المكتوبه بخط الاستاذ فايز فقط رواها لي عندما اعلنا عن المعجزه بالكنيسه
لما طلب الاستاذ فايز من اسرته زياره الكنيسه لم يستطيعوا تدبير اتوبيس للذهاب يوم الجمعه واخبرهم السائق انهم ممكن يروحوا السبت بس قالهم ابونا ابانوب مش بيبقي موجود بالكنيسه يوم السبت فاصر الاستاذ فايز علي الذهاب وقال ربنا يدبرها هناك وبالفعل ذهب لزياره الكنيسه يوم السبت وكان ابونا مش موجود هناك في الكنيسه الكل شاهد الاستاذ فايز داخل علي كرسي متحرك وبعدها سنده اثنين من اقربائه علشان يوصل لستر المذبح وبعدها ياخد بركه الجسد وعند لمسه للجسد بكا بكاء شديد ومر جدا وكانت دموعه تنهار بكميات كبيره وبعدها شعر بقدرته علي الوقوف منفردا ولما طلب من اسرته انهم يسبوه يمشي بمفرده رفضوا وقالولوا انت لسه خارج من غيبوبه والروماتويد تعبك مش تقدر تقف لوحدك فقالهم انا كويس وقادر امشي لا ده انا ها اجري كمان ولقي نفسه بيقدر يمشي لوحده بدون مساعده وينزل السلم وحده وخرج الي فناء الكنيسه فوجد مجموعه من الاطفال تلعب الكوره فخرج ولعب وجري معاهم ولما علم ابونا ابانوب بهذه القصه عن شخص داخل الكنيسه علي كرسي متحرك واذاي خرج بيجري منها حضر الي الكنيسه في الحال واخرج الجسد وصلي للاستاذ فايز وحكي له الاستاذ فايز كل ما جري واذاي ظهرله القديس بالمستشفي وفاق من الغيبوبه وان حاله الكبد اتحسنت وكل الامراض الي بيعاني منها انتهت واذاي لما لمس جسده ابتدء يتحرك ويجري بسهوله ومفيش اي اثر للروماتويد فاخبره ابونا ابانوب انها احدي معجزات شهيدنا وقديسنا العظيم سمعان الاخميمي
الاستاذ فايز كان يعاني من اثني عشر مرض نذكر منهم روماتويد - تليف كبدي - فيروس سي سيوله في الدم - قرح في القولون سرعه ترسيب في الدم - حمي بروسيلا - حمي تيفود حمي ملطيه - قرح في المعده جلطه بالقدم اليسري + + + + + | |
|
مرمر بنت المسيح مدير المنتدى
عدد المساهمات : 2384 تاريخ التسجيل : 13/09/2009 العمر : 34 الموقع : قلب يسوع
| موضوع: رد: اول معجزة اسمعها عن ابونا سمعان لكن هو عامل معجزات كتير محدش يعرفه وادى واحده منهم الثلاثاء يوليو 06, 2010 11:17 pm | |
| جميلة اوى بركتة هذا القديس تكون معانا ربنا يباركك | |
|