أنا اسمى مكاريوس !

أنا اسمى مـكاريوس

r][ندعوك للتسجيل في المنتدى أو التعريف بنفسك لمعاينة هذه الصورة]

اهداء لروح الشهيد مكاريوس جاد الذى استشهد على باب كنيسة العمرانية برصاص الغدر

)

انا اسمى مكاريوس

]قبطى صعيدى
حتى شوف الصليب

اهه على ايدى

غلبان

زيك تعبان

ماشى فى حالى

جنب الحيطان

جوا الحيطان

ولا جاش فى بالى

انى هاموت غرقان

غرقان فى دمى

طب والست امى

من هيبعت القرشين

دا انا من زمان شقيان

ومت قبل ما كمل العشرين

انا اسمى مكاريوس جاد

عايش فى الدنيا بالكاد

اتعملت من صغرى الصبر

والاجتهاد

لا اعرف مين سارقها

ولا مين حارسها

ولا على فين رايحة البلاد

كنت باحلم ببيت

وعزوة وولاد

وخدت نصيبى

مترين تراب ورماد

انا اسمى مكاريوس جاد شاكر

لو سألتنى ليه اتقتلت

هاقولك مش فاكر

لا انا حرامى

ولا نصاب

ولا عاوز من البلد

غير الستر

واربع حيطان وباب

انا اسمى مكاريوس

او كان

قبل ما اموت برصاص جبان

كنت فاكر الباشا بيهزر

معقولة هيضرب نار؟

هو انا بنى ادم ولا فار؟

انا مصرى يا باشا

بس عيونه كان فيها شرار

انا مصرى

ليه تدارى عارك بكسرى

يا باشا فين العدل؟

وليه انا واخد الظلم حصرى

انزل من ع الكنيسة يا واد

ياباشا مش وقت الجهاد

ولا عمرى هاخاف

دا انا متربى ع العيش الحاف

وفجاة جه الرصاص

دانا بصلى يا ناس

طب يا باشا كنت تستنى

لبعد القداس

يااااااه

متالم صحيح

بس شريك فى جراحك يا مسيح

كنت فرحان وانا بابنى بيتك

دلوقت بس شفتك

ورأيتك

اقبلنى يا ربى فى ملكوتك

وانت قادر تحمى ولادك

وتحمى بيتك

انا كان اسمى مكاريوس

قبطى صعيدى

مصرى صعيدى
ودمى اهه على ايدى

[/size][/size]

[size=21][ندعوك للتسجيل في المنتدى أو التعريف بنفسك لمعاينة هذه الصورة]

[/size] [/center][/size][/center]

الله ينيح روحة وياريت يذكرنا امام عرش النعمة
ميرسى كتير يامرمر وربنا يعوضك

ميرسى كتير يامرمر وربنا يعوضك

ميرسى على مروركم الجميل ده

شكرا بجد علي الاخبار دي ... و الله ينيح روحه و يذكرنا قدام عرش النعمه