أنتصر ع نفسك ..!!!

كتير بنسأل نفسنا وقت الفشل اشمعنى غيرنا بينجح وهما عايشين نفس ظروفنا وعندهم نفس فرصنا
بنتجاهل حقيقة وجود قدرات وقدرة استغلال الفرص.
وف نقطه مهمه جدااا ف نظرى أنه احيانا بنكون مش عارفين احنا عاوزين ايه
عايشين بروتين مستمر طفوله مراهقه شباب بنخلص دراسه بنشتغل بنتجوز بننجب اطفال
طيب وبعدين ؟؟
ايه هو انجاز حياتنا اللى بيخلينا مختلفين عن غيرنا ؟؟
من اهم اسباب الحاله دى هو اننا بنكون مش فاهمين نفسنا ولا عارفين احنا عاوزين ايه
بنقبل كل شىء بدون فحص وتدقيق بنكون سطحيين بنهمل الموهبه اللى ربنا اعطاها لينا اننا نتعمق ف تفكيرنا ونحلل كل شىئ بهدوء وتركيز .
علمياً احنا مش بنستخدم الا 34 % من قدراتنا العقلية لكن بإمكاننا أننا نستخدم المزيد منها لو اتعلمنا ده .
الإبداع والتميز والنجاح في الحياة مش حاجه مستحيله أو صعبة التحقيق ولكن قبل كل شيء لازم نعرف نفسنا.. نميز قدراتنا..نحدد أهدافنا ..نكون صادقين مع نفسنا، ..لازم نتعلم نستغل نقاط قوتنا ونوظفها لتحقيق أحلامنا وأهدافنا .
أنتصر ع نفسك قبل ما تدور ع اى نجاح تانى
تأكد أنه مهما كانت ظروفك صعبه لو عندك عزيمه واصرار انك توصل هتنجح
أما لو استسلمت لظروفك وسيبت مهمة تشكيلك للمحيطين بيك هتفشل
عيش بصبر وباصرار هتنجح وتكون متميز .