نقاوة قلب فتاه

نقاوة قلب فتاه ممكن تكون كده
بطلة هذة القصة بنت اسمها سيمون لسة نبتة صغيرة ترى كل شئ من خلال امها وسيمون فى مداس الاحد سمعت خدمتها بتقول ( شوفوا يا ولاد احنا كلنا بنحب بابا يسوع وعلشان كدة لازم نقدم لة نفسنا )
واستمر ت الخادمة تكمل ( مش احنا بنقول فى الترنيمة انا يا رب ملك ايديك )
وسئلت الخادمة سؤال ( مين يا اولاد يقدر يقولى زى مين من القديسين ؟ )
وكان جواب احد الاطفال زى القديس ابانوب برفوا يا ابرام جواب صح
والحقيقة الاخت الخادمة استمرت فى اعطاء اولادها جرعة كبيرة فى تقديم نفوسهم وكل ما يملكون لربنا وتسال والاولاد يجاوبوا بتشربهم الموضوع
لكن فى ملاك بيسجل كل الكلام دة ( هى سيمون بتسمع ومركزة قوى مع الخادمة بتاعتها )
وتكلمت هذة الجميلة سيمون مع الخادمة وقالت لها ( طيب يا مس اللى مش معاة يقدم يعمل اية ؟ اصل بابا ميت وماما كل يوم تعطينى 50 قرش ادفعها لربنا )
الميس احتارت ترد تقول اية ؟ولكن قالت لها يا سيمون مش كل يوم مدارس احد بس هو يوم الجمعة وبس وطلبت من سيمون ان تدفع بس يوم الجمعة وباقى الايام تتصرف زى ما يعجبها وانتهت مدارس الاحد وانتهت المناقشة الكبيرة بين الخادمة واولادها فى الاسرة
+++
ومرت الايام وجاء يوم الجمعة العظيمة
ووقفت سيمون تتطلب من امها العطا ال 50قرش
والمسكينة امها لم تملك اى فلوس هذا اليوم....... فقراء
سيمون :ماما ادينى العطا
ماما : معليش يا سيمون مش معايا الجمعة دى
سيمون : طيب با با يسوع هيزعل منى علشان مش بقدم حاجة لة
ماما : الجمعة الجاية ندفع مرتين ولكن بابا يسوع مش هيزعل علشان عارف اننا مش معنا
هو مش بيزعل من اللى ممعهوش +سكتت سيمون وهى تفكر ازى تقدم.. مفيش.. متاثرة لكن هى عازره ماما
ذهبوا الكنيسة يوم الجمعه العظيمة ووقفت سيمون تصلى زى كل الشعب وبصت لقيت التاسونى بتاعتها واقفة فراحت تقف بجوارها
الشماس بيلف بطبق البخور كعادة يوم الجمعة
وسيمون اخذت بخور زى كل الناس وبعد شوية رجع بطبق يلم تبرعات الشعب
سيمون مش معها وحست انها مقصرة قدام ربنا... التاسونى حطت فى الطبق
وسيمون واقفة عايزة تحط حاجة والشماس عدى الطفلة.. لكن سيمون نادت على الشماس وقالت تعالى
رجع الشماس لسيمون فاكر انها هتدفع لكن ما حدث شئ عجيب
مسكت طبق الفلوس والشماس ماسكة معاها وفضلت تنزلة الى ان وصل الى الارض
الشماس مستغرب الى بيحصل ولسة هيزعق لقى سيمون
وقفت فوق الطبق (مقدمة نفسها للمسيح كلها على الطبق)
ان لم ترجعو وتصيروا مثل هؤلاء الاطفال لن تدخلوا ملكوت اللة
طوبى لانقياء القلوب لانهم يعاينون اللة
دعو الاولاد ياتون الى ولا تمنعوهم لان لمثل هؤلاء ملكوت السموات
اخواتى الاحباء تقدر تقدم نفسك زى سيمون
تقدر تكون عندك نقاوة القلب والبساطة الى عندها
ارجوك من اجل محبة الميسح لك فكر وارجع ارجع لبساطتك ارجع لنقاوة القلب
اذا كان احد غلط فيك سامحة
اذا كان احد ضايقك اغفر لة
اذا كان احد مديون لك سامحة بديونة
اعمل من اجل السما دى حياتك اوعى تتراخى الابدية تستاهل منك اكتر من كدة بكتير
اخواتى واحبائى كل واحد
ارجع لانة منتظرك اترك التكبر وارجع لطفولتك صدقنى يا حبيبى هى دى مفتاح السماء
دا وعد صدقنى هو وعد وقال لو بقيت زى الاطفال فى بساطتهم هتدخل السما
الاتثق فى وعده؟؟؟ حشا يارب
ربنا يساعدك ويساعدنى ان نتحول زى الاطفال فى جمال وصدق برائتهم