الفعل ظهر الرب يسوع فى مصر
مش الظهور اللى هو التجلى والانوار وكده
ولكن انت لو مش حاسس بوجود ربنا يبقى هتحسه فى ايام الضيق اكتر
احنا اتعودنا ان ربنا دايما بيجى فى وقت الضيق اكتر من وقت السلام
اتعودنا اننا نشوفه فى اتون النار مع الثلاثة فتية
اتعودنا اننا نشوفه فى جب الاسود مع دانيال النبى
اتعودنا انه يكون موجود مع شعبه فى مصر وينقل جبل المقطم
اوعى تفقد احساسك بالسلام لانك متشال فى قلبه
مش تستغرب من اللى بيحصل فى مصر بالعكس افرح لان اللى بيحصل ده من ربنا عشانك ، انت دلوقتى قاعد تقول فينك يارب ومش معانا ليه ؟
الايام اللى جاية هتقول ياسلام يارب اد ايه انت حنين
بولس الرسول يقولنا هنا
فَرِحِينَ فِي الرَّجَاءِ، صَابِرِينَ فِي الضَّيْقِ، مُواظِبِينَ عَلَى الصَّلاَةِ" (رسالة بولس الرسول إلى أهل رومية 12: 12)
احنا ياجماعة مهمتنا فى اللى بيحصل ده فين
انقاذ مصر دى مسؤليتنا احنا ، امال ربنا قال عنك انك انت نور العالم ليه وقالك انت ملح الارض ليه
انت بتنور للعالم ؟؟ وبتملح الارض ؟؟؟
بتخليهم يشوفوا الطريق ؟؟؟؟ بتدى طعم لحياتك فى الارض ؟؟
خلاص مسكت الشوم ووقفت تحرس ؟؟؟
طب ليه مش مسكت صليبك ووقفت تصلى ؟؟؟
فى ايه فى سفر اشعياء النبى عايزنها تتحقق
فَيَكُونُ
عَلاَمَةً وَشَهَادَةً لِرَبِّ الْجُنُودِ فِي أَرْضِ مِصْرَ. لأَنَّهُمْ
يَصْرُخُونَ إِلَى الرَّبِّ بِسَبَبِ الْمُضَايِقِينَ، فَيُرْسِلُ لَهُمْ
مُخَلِّصًا وَمُحَامِيًا وَيُنْقِذُهُمْ" (سفر إشعياء 19: 20)
عايزين بقى نصرخ لربنا
ياجماعة احنا مش مدركين ان الصلاة بتعمل كل حاجة ودايما نخليها اخر الحلول او مش نحطها فى الحلول
امسك شوم واقف دافع عن بيتك وبلدك لان دى وطنيتك وده مش وحش
بس مش تنسى ربنا مش تنسى انه وحده اللى ف ايده يمحى الظلمة دى
بصوا بقى ربنا يقول ايه على اللى يتعلق بيه
"لأَنَّهُ
تَعَلَّقَ بِي أُنَجِّيهِ. أُرَفِّعُهُ لأَنَّهُ عَرَفَ اسْمِي.
يَدْعُونِي فَأَسْتَجِيبُ لَهُ، مَعَهُ أَنَا فِي الضِّيقْ، أُنْقِذُهُ
وَأُمَجِّدُهُ. مِنْ طُولِ الأَيَّامِ أُشْبِعُهُ، وَأُرِيهِ خَلاَصِي"
(سفر المزامير 91: 14-16)
ساعتها بقى ربنا ينجينا ونقول
حِينَئِذٍ
امْتَلأَتْ أَفْوَاهُنَا ضِحْكًا، وَأَلْسِنَتُنَا تَرَنُّمًا. حِينَئِذٍ
قَالُوا بَيْنَ الأُمَمِ: إِنَّ الرَّبَّ قَدْ عَظَّمَ الْعَمَلَ مَعَ
هؤُلاَءِ" (سفر المزامير 126: 2)
وبولس الرسول يعزينا ويقول
"فَرِحِينَ فِي الرَّجَاءِ، صَابِرِينَ فِي الضَّيْقِ، مُواظِبِينَ عَلَى الصَّلاَةِ" (رسالة بولس الرسول إلى أهل رومية 12: 12)
ياريت بجد نصدق ان كل اللى بيحصل دلوقتى مهما زادت صعوباته نفتكر ان كله لاجلنا وبجد الايام اللى جاية هتكون ايام جميلة جدا
وافتكروا ان بعد الصليب قيامة
بعد الصليب قيامة
موضوع: ظهور السيد المسيح بنفسه ف مصر ؟؟! 
