شعرررررر جميل لاحلي منتدي

في اجمل منتدي


بسم الفادي والفدا
وفى أجمل منتدى
والكلام هنا ابتدآ
بنرحب بالعضو الجديد
اللي جانا من بعيد
نتمناه يكون سعيد
ويفيدنا ويستفيد
ويشاركنا بالعديد
بموضوعات حلوه أكيد



بسم الفادي والفدا
وفى أجمل منتدى
والكلام هنا ابتدآ
هتمشي معانا بالأمانه
ومفيش بينا الخيانة
لا تجريح ولا إهانه
ولا تعليق بإستهانه
علي موضوع الأخت بهانه
يا فهمان ويا فهمانه



بسم الفادي والفدا
وفى أجمل منتدى
والكلام هنا ابتدآ
ولو موضوع الأخ شراره
فاتر مفيهوش حراره
والتعليق فيه خساره
يبقي من باب الحضاره
تكتب كلمه او عباره
تحلي طعم المراره
مش هتبقي انت وشراره
تبقي دي منك شطاره
ونخليك سفير سفاره
ونخليك أمير إماره
أي اقتراح أي استشاره
وجه سؤالك للإداره



بسم الفادي والفدا
وفى أجمل منتدى
والكلام هنا ابتدآ
تروح شمال أو يمين
فيه مراقب فيه كمين
متكتبش كلام مشين
فيه اساءه لأي دين
فيه حظر يا حزين
أما أولاد الله باينين
دول حلوين و طيبين
يسوع يباركهم... قول امين



بسم الفادي والفدا
وفى أجمل منتدي
والكلام هنا ابتدآ
فيا أحبائي الكرام
لقد وصلنا للختام
أشكركم للانضمام
والمشاركة بالكلام
معاكم حلو المقام
مني تحية و احترام
وسلام ملك السلام